Включить версию для слабовидящих
Размер шрифта: A AA Изображения Выключить Включить Цвет сайта Ц Ц Ц Х
Размер шрифта: A AA Изображения Выключить Включить Цвет сайта Ц Ц Ц Х
Четверг, 21.09.2017, 00:42
| RSS

Хара-Алданская средняя общеобразовательная школа имени Г.В.Егорова

Главная » 2014 » Май » 17 » "Унугэсчээннэр ситиьиилэрэ"
02:15
"Унугэсчээннэр ситиьиилэрэ"

"Унугэсчээннэр ситиьиилэрэ"

     Олунньу 27 кунугэр Дьохсоҕон оскуолатын көҕүлээhининэн, Ийэ тыл күнүгэр аналлаах алын сүhүөх үөрэнээччилэрин икки ардыларыгар «Өксөкүлээх уола Реас Кулаковскай» диэн темалаах учуутал, суруйааччы Р.А.Кулаковскай олоҕун, айар үлэтин, айымньыларын билиhиннэрэр, кини айымньыларын нөҥүө сиэр- майгы өйдөбүллэрин иҥэрэр сыаллаах улуустааҕы 6-с уус- уран дьүһүйүү, уруhуй, оҥоhук күрэҕэ буолан ааста. Бу күрэххэ улуус 8 оскуолаларыттан кэлэн кытыннылар. Биhиги оскуолабытыттан 1-гы, 2-с, 3-с кылаас 10 үөрэнээчч кыттыыны ыллылар.

        Кэтэхтэн уруhуйга кылаастан 2-лии үлэ ирдэнэр, биhигиттэн 8 оҕо үлэтэ быыстапкаҕа турда.

      Миэстэтигэр уус- уран оҥоhук күрэ5эр 2-с кылаастарга Рожина Ангелина (пластилинынан), 3-с кылаастарга Никифоров Рома (аппликация), 4-с кылаастарга 3-с кылаастан Варламов Стас (түүнэн оҥоhук) киирэн күрэхтэстилэр уонна Ангелиналаах Стас 2-с миэстэ буолан бэйэлэрэ да үөрдулэр, биhигини да үөртулэр.

«Бастыҥ көстүүм» анал аакка Хара- Алдан оскуолатын үөрэнээччилэрэ тигистилэр. Онтон саамай бастыҥнарга, чулууттан чулууларга Гран- при аата туттарылынна. Бу урдук ааты биhиги оҕолорбут тутаннар үөрүү өрөгөйүн биллибит.

     Маны таhынан, учууталларга кэтэхтэн уруок торумар учууталлар (Копырина Ж.Г., Крылова М.Е., Северьянова А.Н.) кыттаммыт 2-с миэстэ буоллубут, Р.А.Кулаковскай олоҕор аналлаах презентация оҥорон илдьэн, миэстэтигэр көмүскээн 1-кы миэстэни ылан үөрүүбүт өссө үксээтэ.

     Салгыы кулун тутар 1 кунугэр сарсыарда 6 чаастан ыраах Томпо улууhугар айаннаатыбыт. Кириэс- Халдьаайыга Россияҕа культура сыла биллэриллибитинэн, Л.И.Мекюрдянов аатынан Искусство оскуолатын, «Байаҕантай» сынньалан киинин, Советскай Союз Геройа Ф.М.Охлопков аатынан орто оскуола кеҕүлээhиннэринэн, «Өбүгэ ситимэ салҕанар» маҥнайгы региональнай конкурс 4 Байаҕантай нэhилиэктэрин (Таатта, Томпо, Уус- Алдан, Өймөкөөн улуустарын) хабан ыытылынна.

   Манна уруhуйга (олоҥхо тематыгар), уус- уран оҥоhукка, «Өбүгэ ситимэ салҕанар» театрилизованнай дьүhүйүүгэ, фольклорнай нүөмэрдэргэ күрэхтэстибит. Томпо улууhун оскуолалара кэлэ сатаабыттар, Уус- Алдантан, Өймөкөөнтөн араас биричиинэнэн кэлбэтэхтэр, Таатта улууhуттан биhиги оскуола кырачааннара бааллар.

       Уруhуй, уус- уран оҥоhук салаатыгар биhиги оскуола 9 үлэни ыыппыта. Барыта 4 улуустан 140 улэ киирбит. Быыстапкаҕа туралларын көрдөххө анал художественнай оскуолаҕа үөрэнэр оҕолор үлэлэрэ сүрдээх үчүгэйдэр, уратылар.

       Фольклорнай нүөмэрдэргэ үксэ хомусчуттар ансамбллара, чабырҕахсыттар кытыннылар. Икки көрүҥҥэ арааран түмугү таhаардылар: норуот ырыата уонна тылынан уус- уран айымньы. Барыта 24 нүөмэр кытынна. Биhиги оскуолабыт үөрэнээччилэригэр Саамай ыраахтан кэлбит ыалдьыттар диэн Искусство оскуолатын анал бирииhин туттардылар уонна түмүгэр бу кыттыбыт 24 нүөмэртэн саамай бастыҥнара буолан ГРАН- ПРИ аатын ыллыбыт. Дьүүллүүр сүбэ чилиэттэрэ, ыытааччылар, кыттааччылар уонна көрөөччүлэр дохсун ытыстарын тыаhынан доҕуhуоллатан, бары кыттааччыларга туоhу суруктары, Грамотаны уонна статуэтка туттардылар.

           Үөруулээх тэрээhин уопсай хаартыска5а түhүүнэн түмүктэннэ.

      Түмүккэ, Дьохсоҕоҥҥо да, Томпоҕо да оҕолор сүрдээх эппиэтинэстээхтик кытыннылар, санаалара улаханын, сценическай культураларын хайҕаатылар. Онон кыракый артыыстарбытыгар илдьэ сылдьыбыт учууталлар ааттарыттан махтанабыт, үөрэхтэригэр ситиhиилэри, кытаанах доруобуйаны, Дьааҥы хайатын курдук урдук чыпчааллары өссө да дабайа туралларыгар баҕарабын. Түгэнинэн туhанан, оскуолабыт администрациятыгар, чуолаан директор Самсонова О.Н., күүс- көмө буолбут (Винокуров Г.И., Захарова С.К.), сүбэ- саргы буолбут бары колллегаларбытыгар, оскуолабыт суоппарыгар Старостин Э.П. махталбыт улахан. Бука бары доруобай, дьоллоох буолун!

М.Е.Крылова, алын кылаастар учууталлара.

 
Просмотров: 286 | Добавил: hara | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Календарь
«  Май 2014  »
ПнВтСрЧтПтСбВс
   1234
567891011
12131415161718
19202122232425
262728293031
Прогноз погоды
Поиск

Хара - Алданская средняя общеобразовательная школа имени Г.В. Егорова © 2017
Сделать бесплатный сайт с uCoz