Включить версию для слабовидящих
Размер шрифта: A AA Изображения Выключить Включить Цвет сайта Ц Ц Ц Х
Размер шрифта: A AA Изображения Выключить Включить Цвет сайта Ц Ц Ц Х
Четверг, 21.09.2017, 00:54
| RSS

Хара-Алданская средняя общеобразовательная школа имени Г.В.Егорова

Главная » 2013 » Декабрь » 8 » Спорт сонуннара
05:22
Спорт сонуннара

Спорт сонуннара           

              Сэтинньи 15 күнүгэр "Төрөппүт-үөрэнээччи-учуутал” диэн традицияҕа кубулуйбут волейбол күрэхтэһиитэ буолла.

       Быйылгы күрэхтэһии уратытынан дьахталларга учууталлар 2 хамаанданы туруордулар. Тыҥааһыннаах киирсии түмүктэринэн, 1 миэстэни үөрэнээччилэр хамаандалара (капитан Турантаева Аня, 11 кылаас) буолла. Кыргыттар итэҕэс хамаанданан да оонньоотоллор, утары хамаандалары тулуппатылар. Дьаныардаах дьарыктаныы түмүгэр, бэйэ-бэйэлэрин хамсаныыларыттан өйдөһөллөрө көстөр.  Эдэр учууталлар хамаандалара  (капитан - омук тылын учуутала Варвара Колодезникова) 2 миэстэни ылбыта. Онтон маны таһынан эр дьоҥҥо 1 бириистээх миэчтэни учууталлар, 2-с миэстэ үөрэнээччилэр, хомойуох иһин, аҕа төрөппүттэр хамаандалара суоҕа.

            Эти-хааны эрчийии, доруобуйаны тупсарыы киһи олоҕор улахан суолталаах. Ол курдук, алтынньы-сэтинньи ыйдарга нэһилиэк иһигэр эти-хааны эрчийэр, доруобуйаны тупсарар спортивнай үлэлэр тэрээһиннээхтик ыытылыннылар.

        Бастатан туран, ийэ күнүгэр анаммыт нэдиэлэҕэ түөлбэттэн сэттэлии киһилээх "Көрдөөх стартар” олус көхтөөхтүк ыытылыннылар. Кыттааччылар 8 түһүмэххэ күрэхтэһэн, "ыһыытаан-хаһыытаан” күрэхтэһии бүппүтүн билбэккэ да хааллылар. Түөлбэ аайыттан биирдии веиеран дьахтар, иккилии орто саастаах, эдэр уонна оскуола кыргыттара кытыннылар. Түмүккэ "Кэскиллэр” инники таҕыстылар, 2-с "Алаас”, 3-с "Алдан” түөлбэ күрэхтэһээччилэрэ буоллулар.

        Үгүс киһини хабан, дуобат күрэхтэһиитэ интэриэһи үөскэттэ. Тыҥааһыннаах киирсиилэр түмүктэринэн, дьахталларга: 1миэстэ – Новгородова Мотрена Николаевна ("Алаас”), 2 миэстэ – Захарова Зинаида Афнасьевна ("Кэскил”), 3 миэстэ Крылова Таня 10 кылаас үөрэнээччитэ ("Кэскил”) буоллулар. Онтон эр дьоҥҥо: 1 миэстэ – Старостин Егор Егорович ("Кэскил”), 2 миэстэ – Б.Г.Г., уонна 3 миэстэни 11 кылаас үөрэнээччитэ Старостин Ваня ыллылар.

         Биир тыҥааһыннаах киирсии остуол тенниһигэр буолан ааста. Бэйэлэрин түөлбэлэрин чиэһин көмүскээн инники күөҥҥэ таҕыстылар: 1 миэстэ - Рожина Варвара Николаевна ("Кэскил”), 2 миэстэ - Крылова Марианна Егоровна ("Кэскил”), онтон 3 миэстэ - Колодезникова Варвара Петровна ("Алаас”). Эр дьоҥҥо 1 миэстэ –Старостин Ваня ("Кэскил”), 2 миэстэ – Старостин Егор Егорович ("Кэскил”), 3 миэстэ – Рожин Илья ("Кэскил”) буоллулар. 

         Түөлбэлэр икки ардыларыгар бильярдка күрэхтэһиигэ 4 эрэ кыттааччы кытынна. Манна толору састааптаах "Кэскил” түөлбэ инники күөҥҥэ таҕыста. Онтон биирдиилээн күрэххэ миэстэлэр манныктар: 1 миэстэ – Кузьмин Василий Николаевич, 2 миэстэ – Самсонов Владислав Афанасьевич, 3 миэстэ – Варламов Константин Егорович.

   


Просмотров: 196 | Добавил: hara | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Календарь
«  Декабрь 2013  »
ПнВтСрЧтПтСбВс
      1
2345678
9101112131415
16171819202122
23242526272829
3031
Прогноз погоды
Поиск

Хара - Алданская средняя общеобразовательная школа имени Г.В. Егорова © 2017
Сделать бесплатный сайт с uCoz