Включить версию для слабовидящих
Размер шрифта: A AA Изображения Выключить Включить Цвет сайта Ц Ц Ц Х
Размер шрифта: A AA Изображения Выключить Включить Цвет сайта Ц Ц Ц Х
Четверг, 21.09.2017, 00:52
| RSS

Хара-Алданская средняя общеобразовательная школа имени Г.В.Егорова

Главная » 2015 » Октябрь » 4 » Инаугурация
05:29
Инаугурация

             Балађан ыйын 14 күнүгэр ыытыллыбыт олохтоох бэйэни салайыныы Быыбардарын түмүктэринэн нэhилиэккэ 7 депутат уонна баhылык дуоhунаhыгар Дьулустаан Алексеевич Старостин талыллыбыттара.Саҥа баhылык Старостин Дьулустаан Алексеевич уонна 7 уокурук депутаттарыгар дуоhунаска киирии уонна мандааттары туттарыы сиэрэ- туома алтынньы ый 3 күнүгэр «Аллан» сынньалан киинигэр ыытылынна.

              «Хара-Алдан нэhилиэгэ» МТ олохтоох быыбары ыытыыга комиссия председателэ Варламова П.Н. 7 талыллыбыт депутаттарга – Крылова М.Е, Самсонова О.Н, Колодезникова Ж.А, Винокуров Г.С, Бочуров Г.Г, Варламова Е.И уонна Голиков И.Н. түмсүүлээхтик үлэлииллэригэр ыныран туран, мандааттарын туттартаата. Сана баhылыгынан талыллыбыт Дьулустан Алексеевич Старостин бэйэтин олођун, дьиэ кэргэнин туhунан билиhиннэрдэ. Нэhилиэк бары олохтоохторун түмсүүлээхтик үлэлииргэ ынырда уонна бэйэтин ѳттүттэн, нэhилиэк сайдыытыгар, инники кэскилигэр туруулаhан үлэлиэм диэн Мэктиэ тылын биэрдэ.

          Yѳрүүлээх сиэри - туому ыытыыга кыттыыны ыллылар, бэйэлэрин үтүѳ бађа санааларын тиэртилэр: «Таатта улууhун» МО дьаhалтатын баhылыга Михаил Михайлович Соров, улуус дьаhалтатын эппиэттээх үлэhитэ Семен Васильевич Неустроев уонна ыаллыы нэhилиэкпитигэр Уус-Тааттађа баhылыгынан талыллыбыт Владимир Юрьевич Борисов. Сана салалтаны эђэрдэлээн олохтоох оскуола директора Самсонова Ольга Николаевна, оскуола учуутала Кулаковская А.А, үѳрэнээччи Гриша Винокуров тыл эттилэр, ырыа ыллаатылар.

           Биhиги нэhилиэккэ 12 сыл устата баhылыгынан үлэлээбит Гавриил Гаврильевич Григорьев сана баhылык Старостин Дьулустан Алексеевиhы, талыллыбыт депутаттары эђэрдэлээтэ. Инники үлэлэригэр ситиhиилэри бађарда. Нэhилиэги салайбыт сылларыгар туох үлэ – хамнас барбытын кэпсээтэ, сүбэ – саргы тылларын эттэ. Бүтэhигэр, нэhилиэк баhылыгынан үлэлээбит Григорьев Г.Г. бииргэ үлэлээбит коллектива сахалыы астаах сандалы тэрийэн үтүѳ бађа санааларын тиэрдэн атаарда. Улуус баhылыга Михаил Михайлович Соров бу курдук хардарыта убаастабыллаахтык сыhыаннаhан, баhылыктар дуоhунаска киирэллэрэ ханнык да нэhилиэккэ ыытылла илигэ диэн бэлиэтээн эттэ.

 

Просмотров: 117 | Добавил: hara | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Календарь
«  Октябрь 2015  »
ПнВтСрЧтПтСбВс
   1234
567891011
12131415161718
19202122232425
262728293031
Прогноз погоды
Поиск

Хара - Алданская средняя общеобразовательная школа имени Г.В. Егорова © 2017
Сделать бесплатный сайт с uCoz